கல்லறைப் பாடம் - 21
உடலின் உயிர்ப்பை நம்புகிறேன்
உடலின் உயிர்ப்பு என்பது ஆன்மா உடலிலிருந்து பிரிக்கப்பட்ட நிலை, மனிதரின் முடிவான நிலையாக இருக்காது என்பதைக் குறிக்கிறது. ஏனெனில் அழிவுக்குரிய நம் உடல்களும் ஒரு நாள் மீண்டும் வாழ்வு பெறும்.
நம்பிக்கை அறிக்கையில் இடம்பெறும் உடலின் உயிர்ப்பு என்பதன் நேர் பொருள் ஊனுடலின் உயிர்ப்பு ஆகும். ஊனுடல் என்னும் சொல் வலுவற்ற, அழிவுக்குரிய நிலையில் உள்ள மானுடத்தைக் குறிக்கிறது. ஊனுடல் மீட்பின் காரணியாக உள்ளது என்கிறார் தெர்த்துலியன். ஊனுடலைப் படைத்த கடவுளை நம்புகிறோம். ஊனுடலை மீட்க மனித உடல் எடுத்த வார்த்தையானவரை நம்புகிறோம். மேலும் உடலின் உயிர்ப்பை நம்புகிறோம். இது ஊனுடலின் படைப்பு, மீட்பு ஆகியவற்றின் நிறைவு ஆகிறது.
